طبخه العرايس‏

موضوع: طبخه العرايس‏ الخميس يوليو 24, 2008 4:44 am

لذيذه وأحلى من المطاعم

مقاديرها

اما إنكم تجيبون خلطة كباب جاهزة من اللحام يكون فيها البصل والبقدونس والبهارات والملح
او أنكم تسوونها بالبيت وعشان تسوونها بالبيت ( انا سويت الخلطة بالبيت )
اللي يجب اللحمة الكباب جاهزة يزيد عليها بالبيت حبة بطماطم متوسطه مفرومة ناعم
( عشان ما تطلع اللحمة ناشفة لما تنشوى بالفرن )

@ ربع كيلو لحم مفروم ناعم جدا
@ 15 عرق بقدونس مفروم ناعم
@ بصلة متوسطة مفرومة ناعم جدا
@ طماطه متوسطة مفرومة مكعبات صغيرة جدا
@ ملح + بهار اسود + قليل جدا من البهارات
@ ملعقتين كبار زيت زيتون ( اختياري فلفل احمر بودرة للي يحب الحر شوي بس )
يعني تجيبي اللحم مفروم ناعم مره وتفرمي كل شي على حده
وتخلطينهم بعدين كلهم سوا بيدك زين تخلطينهم باليد

الطريقة
تجيبي خبز لبناني سميك شوي مو الرقيق

تجيبيه وتفتحيه من جهة واحده شوي وتمدي فيه شوية من اللحمة وترصيها داخل الخبزة زين
بعدين تسكريها وترصيها بيدك وتدهني على يدك مسحة زيت زيتون وتدهني الخبزة من الإمام والخلف
بس لا تمليها زيت بس مسح بيدك على خفيف ( انظري للصورة )

ثم تقسميها لأربع أقسام بعدين تلفي كل خبزه بالسيلفر ( القصدير )
وتحكمي عليها الإغلاق وتخلي اللفة المفتوحة من فوق عشان ما ينزل ماء اللحمة لتحت بالفرن
وتدخلينهم بصينية الفرن على الطبقة الوسط وتكوني مشغله الغاز من فوق ومن تحت
على حرارة 180 - 200 درجة
وبعد 20 دقيقة شيكي على وحده منهم إذا احمرت والا لا
إذا ما حمرت اتركيها بعد شوي ممكن تاخذ وقت 30 دقيقة
على حسب نوعية الفرن ونوعية الخبز او تشوينها بالفحم بعد ماتحطينها بالشبك

بعد ما تطلعيهم من الفرن خليهم بالسيلفر مسكر عليهم شوي عشان ما ينشفوا الخبز او ييبس
وبعدين شيلي عنه السيلفر وحطيهم كلهم في صحن وغطيه زين بالسيلفر او بحافظه او بكيس نايلون
واحكمي الإغلاق عليهم لمدة لا تقل عن خمس دقايق
عشان تطرى الخبزة شوي إذا كانت محمصة والطعم أحلى من إي مطعم واغلبي فيه المطاعم

بالعافية على قلبكم

والله شكلها لذيذ تسلم ايدك

مشكوورين على المرووور

واو روعه والله خلاص راح اسويها

واخبرك اذا ظبطت معي

تسلم ياسراب

مشكوره على مرووورك

بس لاتنسيني طرشيلي شوي على ..........................

اذا ماقدرتي عليك بلعافيه

مشكور سراب على الطبخه خلاص انخليك طباخ المنتدى هههههههههههههه طبخه العرايس‏ 967569